Azat etilgen ukrain deñizciler ve sabıq siyasiy mabüslerge ID pasportları berilecek, haber etti Facebookta Ukraina ombudsmeni Lüdmila Denisova.
"Sentâbr 7-sinde azat etilgen deñiz askerleri ve siyasiy mabüslerge, Rusiyede esirlikte ya da apishanede tutulğan vaqıtta coyulğan vesiqalar yerine, yañı vesiqalar berilecek", – yazdı Denisova.
O, Devlet Migratsiya Hızmeti, azat etilgen ukrainler tedaviylengen yerlerge baracaq köçüci pasport hızmeti noqtalarını azırladı, dep qoştı.
Sentâbrniñ 7-nde Ukraina ve Rusiye arasında tutulğanlarnı deñişim kerçekleştirildi. 35 ukrainalı ile uçaq «Borıspil» Kyiv ava limanında qondı. Oleğ Sentsov, Oleksandr Kolçenko, Volodımır Baluh, Edem Bekirov, Yevğen Panov, Pavlo Ğrıb, Stanislav Klıh, Mıkola Karpük, Roman Suşçenko, Artur Panov, Oleksiy Sizonovıç ve 2018 senesi noyabrde zapr etilgen 24 deñizci azat etildi.
