Qırım qurtarıcıları, gemiden deñizge tüşip ketken “Stalnoy” Rusiye buksiriniñ ekipaj azasını qıdırıp,Azaq deñiziniñ 110 mert kvadratlıq mıntaqasını teşkerdi. Amma aqaynı tapıp olamadılar. Bu aqta iyün 3-ünde Rusiye FVN-niñ Qırım idaresiniñ matbuat hızmeti bildirmekte.
“Qurtaruv-qıdıruv operatsiyağa üç qurtarıcı ve üç ekipaj azasınen Mİ-8 vertolötı yönelttildi. Uçaq üç saat devamında Azaq deñiziniñ 110 metr kvadratlıq mıntaqasını teşkere edi, amma qıdıruvnıñ istenilgen neticeleri olmadı. Qaranlıq sebebinden qıdıruvnı toqtattılar, qurtarıcılar toqtav yerine qayttılar”, - denile beyanatta.
Daa evel belli oldı ki, Rusiye buksiriniñ deñizcisi Azaq deñizinde gemiden suvğa tüşti, onı qıdırmaq içün Rusiye FVN-niñ vertolöti ve “Krım-Spas”nıñ üç adamlıqqurtaruv-qıdıruv taqımı yollanıldı.
“Krım-Spas”qa esaslanıp TASS Rusiye agentligi bildirgeni kibi, vaqia iyün 3-ünde saba oldı. Amma gemi vekilleri yardımnı tek aqşamğa yaqın soradı.
