Link açıqlığı

Saatnıñ esas haberi

Ayşe Seitmuratova Aqmescitke qayttı – Çubarov


 Ayşe Seitmuratova, arhiv fotoresimi
Ayşe Seitmuratova, arhiv fotoresimi

Qırım ve Herson vilâyetiniñ memuriy sıñırında Rusiye quvetçileri tarafından tutulğan qırımtatar milliy areketiniñ veteranı Ayşe Seitmuratova Aqmescitke qayttı. Bu aqta Qırımtatar Milliy Meclisiniñ reisi Refat Çubarov haber etti.

«Bugün gece Rusiye quvetçileri işğal etilgen Qırımnı esas Ukrainadan ayırğan memuriy sıñırdan keçirmegen 82 yaşında efsaneviy Ayşe Seitmuratova evge, Aqmescitke, qaytmağa mecbur edi. Rus işğalciler onı bir saat tutıp yibergen soñ bu keçiş noqtasından Qırımğa semetdeşimiz kirgen edi, o, Ayşe Ablamıznı Aqmescitke alıp ketti», – dep yazdı Çubarov Facebookta.

Rusiye küç müessiseleri vaziyetni şimdilik izaatlamadı.

Daa evel Rusiye quvetçileri Ayşe Seitmuratovanı memuriy sıñırnı keçkende tuttı, dep haber etildi.

Ayşe Seitmuratova ABD vatandaşı ola, amma Qırımda yaşay. O, Rusiye işğalinden soñ yarımadadan ketmege razı olmadı.

Ayşe Seitmuratova qırımtatar milliy areketiniñ eñ meşur faallerinden biri ola. Onı eki kere apiske alıp mahküm etken ediler.

70-inci yıllarnıñ ortasında yañı apis müddetine oğramamaq içün Seitmuratova ABDne ketmege mecbur edi.

Birleşken Devletlerde Azatlıq Radiosı ve «Voice of America» ile çalışqan, rus, özbek ve azeri tillerinde yayınlar alıp barğan edi.

2001 senesi Ayşe Seitmuratova kimsesiz qalğan qartlar içün Aqmescitte «Qartlar evini» açqan edi, o, bügünge qadar onıñ sermiyasına çalışa.

Milliy areket faaliniñ ayat yolu ve tercimeialı aqqında «Ayşe Seitmuratova. Halqı içün küreş meydanında» maqalesinde oqumañız mümkün.

XS
SM
MD
LG