«Ayvanlarnı kibi alıp ketkenler» – sürgünlikke oğrağan qadın (video)
76 yıl evelsi qırımtatar halqı yarımadadan Orta Asiyağa sürgün etildi. 2015 senesi Ukraina Yuqarı Radası bunı genotsid dep tanıdı. 2019 senesi mayısnıñ 9-nda Latviya Seymi de aynı qararnı qabul etti. Rusiyede genotsid aqqında aytmaylar. 2014 senesi memleketniñ prezidenti Vladimir Putin repressiyalarğa oğrağan qırımtatarlarnı ve diger halqlarnı «reabilitatsiya etti». Bazı qırımtatarlar 1944 senesiniñ mayıs ayında olğanlarnı pek yahşı hatırlay. Toplanmaq içün bir qaç daqqa berildi, insanlar eñ qıymetli şeylerini ala edi: gügüm, baba saatı ve Quran. Qırım.Aqiqat jurnalistleri sürgünlikni körgen aile degerlikleri aqqında meraqlı ikâyeler yazıp qaldırdı.