Rusiye nezaretindeki Seyitler (Nijnegorskiy) rayonınıñ başı Aleksandr Petrov, şahsiy qabul etüvde “Siz - men ürmet etmegen insansıñız” degen kelgen adamnı urdı. Bu vaqia videoğa çekildi ve Rusiye tarafdarı olğan bloger Aleksandr Talipovnıñ Facebook saifesinde derc etildi.
Videoda Petrov, “Mında sen degil, siz. Mında er kes - ürmetli insan”, dep adamnı urdı. Bundan soñ video bite.
Keççe Talipov, Petrov onı urdı, dep aytqan adamnen videonı derc etti.
“Elime urdı, ayağınen sol sanıma urdı, bedenime zarar ketirdi. Acele yardımnı çağırtmağa kerek oldı. Maña ilk tibbiy yardım ettiler”, - videoda adını aytmağan adam dey.
Petrov bu adiseni tefsir etmedi. Qırımnıñ Rusiye müessiseleri bu hususta haber etmey.
Daa evel “İzvestiya” gazetası bildirgeni kibi, 1999 senesi Qırımda Petrov, “Narkotiklerniñ qanunsız saqlavı ve taşıması” madde boyunca maküm etilgen edi. Oña bir yıllıq şartlı apis cezası ve 1000 grivna para cezası maküm etilgen edi.
