Eski Ay-Serez (1945 senesinden soñ – Mejdureçye) köyüniñ şimaliy-şarqında Tomaqların Qayası bar. Qarşısında ise Haşki Qaya tura. Aralarında kiçik, uzunlığı yalıñız doquz kilometr olğan Ay-Serez özeni bar. Etraftaki dağ caplarından yağmurdan soñ suv kelse, özende de suv ola. Olmasa ise, soñki yılları olğanı kibi, bu özen quru turıp, köyni ekige böle.
Ay-Serez yalısında insanlar ne vaqıt yaşap başladı tam olaraq belli degil. Bizans zamanında mında yaşağanlar bar edi. Vesiqalarğa köre, eñ çoq sakin 1914 senesi Birinci cian cenki arfesinde bar edi – 1650 insandan çoq. Bir asırdan soñ ise Ay-Serezde 519 insan yaşadı.
Ğarbiy Sudaqnıñ eski köy manzaralarını fotoresimlerimizde baqıñız.
Facebook Forum