Raatlıq künlerinde Ay Petride ve Anğara boğazında Qırım qurtarıcıları nevbetçilik yapıp başladı. Bunı Rusiye FVN-niñ Qırım idaresiniñ matbuat hızmeti bildirdi.
"Ay Petri yaylasında "Krım-Spas"nıñ Yalta bölügi nevbetçilik yapa. Bundan ğayrı, "Krım-Spas"nıñ Aluşta bölüginiñ hadimleri Anğara boğazında nevbetteler", - denile beyanatta.
Müessise, qurtarıcılarnıñ kerekli donatması му teçhizat, radio alâqası bar olğanını qoştı, bundan ğayrı ihtiyac olsa, olar tibbiy yardım taqımını çağırta bile.
Qırım qurtarıcıları Sudaqta "Maski" boğazında 10 adamnıñ tahliye etilmesi aqqında haber ete. Böyleliknen, fevralniñ 8-inde gece Ayserez köyüniñ civarında "Niva" ve UAZ-469 maşnaları batıp qaldı.
Qırımda bazar künü, fevralniñ 9-ında qar yağacaq, yollar buzlu olacaq.
