Link açıqlığı

Saatnıñ esas haberi

Ay Petride eki coyulğan turistke yardım ettiler - qurtarıcılar


Körgezmeli süret
Körgezmeli süret

Tünevin eki turist Ay Petri dağında Taraqtaş soqağınen kezingende, qaranlıq tüşkeninen yolnı coydılar, dep bildire Rusiye FVN-niñ Qırım idaresi.

Beyanatqa köre, coyulğanlarnen telefondan bağlanıp oldılar ve böylece olarnıñ bulunğan yerini taptılar. Bir saattan soñ fevqulâde müessiseniñ hadimleri turistlerni, rusiyeli Oröl şeerininiñ sakinlerini, tapıp, olarnı telükesiz yerge ozğardılar. Adamlarnıñ tibbiy yardımğa ihtiyacı yoq edi.

Bundan evel Melas qasabasında (büyük Yalta) bir aqay qızınen beraber qayağa köterildi, amma andan özleri tüşip olamadı, FVN hadimleri olarnı qurtardı.

FVN, dağ-ormanlıqqa ketecek turistlerge telükesizlik qaidelerini hatırlata: birinciden, urba ve ayaqqap qolay olmalı, havfsız marşrutlarnı saylamalı, tuman ve qaranlıq vaqtında kezinmemeli, cap ve ayrı turğan taşlardan yürmemeli.

XS
SM
MD
LG