Ay Petri yaylasında alat yolunıñ yuqarıstantsiyası yanında alış-veriş noqtalrını yıqtılar, dep bildire Yaltanıñ rusiyeli memuriyeti.
“Umumen 11 memuriy protokol tizilgen edi, 7-si - ortalıqnı çöplüknen toldurılğanı içün, 4-ü - alış-veriş qanunlarınıñ bozulıvı içün”, - dep yaza müessise matbuat hızmeti.
Yalta şeeri boyunca rusiye İİN-niñ başı Viktor Şvarts qoştı ki, teşkerüv reydinden soñ, turistlerge kirağa berilgen 9 tehnika tutılıp alınğan ve protokollar tizilgen edi.
Şeerniñ rusiyeli memuriyeti başı Aleksey Çelpanovğa köre, satıcılarnen, video kameraları yardımınen alat yolunıñ memuriyeti de küreşmeli.
“Süret ve videolarnı Yekâne dispetçer hızmetine yollasınlar, olar ise belediye nezareti bölügine”, - teklif etti o.
Satıcılarnıñ tefsirleri daa yoq.
