Qırımda Ay Petri yolunı Bağçasaray tarafından qapattılar. "Krımavtodor" haber etkeni kibi, klegey buzğa qarşı tedborler körülgence, Kökköz (Sokolinoye) köyünden keçken Ay Petri yolu qapaldı.
"Fevqulâde ve qaza vaziyetleriniñ ögüni almaq niyetinen yol töşemesinde klegey buzğa qarşı malzeme qullanılacaq, bunıñ içün Bağçasaray rayonında yanvarniñ 5-inde saat 9:00 başlap, Kökköz köyünden Ay Petri yaylasına qadar yol qapatılacaq", - denile beyanatta.
"Krımavtodor"da iş bitkeninden soñ yol açılacaq, dep haber ettiler.
"Qış mevsiminde Yalta ve Bağçasaray tarafından Ay Petri yaylasına M1 kategoriyalı maşnalardan ğayrı, qalğan naqliyatnıñ yürüşu yasaq", - dep hatırlattılar müessisede.
Daa evel haber etilgeni kibi, Qırımda Ay Petri yaylasını qar qaplap aldı.
