Avstriya qanun çıqarıcıları yanvarniñ 20-nde ealiniñ büyük qısmı içün yañı çeşit koronavirus yuqunçına qarşı aşını mecburiy dep tasdıqlamağa planlaştıra. Bu qarar Avstriyanı böyle adım atacaq ilk Avropa memleketi yapacaq.
18 yaşından büyük olğanlar fevralniñ başına qadar COVID-19 aşısını yaptırmağa mecbur, aks alda para cezasını alacaqlar. Ağır ayaqlı qadınlar ve tibbiy sebeplerden aşı olamağan insanlar içün istisna yapılacaq.
Al-azırda tahminen 75% avstriyalı aşı oldı. Yañı qanun davalarnıñ sebebi oldı: on biñlernen avstriyalı ükümet ilân etken tedbirler ve mecburiy aşı planlarına qarşı numayışlarğa çıqa.
Bir qaç Avropa memleketiniñ ükümetleri COVID-19 aşısını tibbiyet hadimleri ve diger gruppalar içün mecburiy yaptı. Diger memleketler, hususan Almaniya ve Frenkistan çeşit hızmet ve aşı olmağanlar içün eglence sıñırlavlarını ilân etti.
