Link açıqlığı

Saatnıñ esas haberi

Avstraliyanıñ Melbourne şeerinde atış oldı, elâk olğanlar bar


Nümüneviy resim
Nümüneviy resim

Avstraliyanıñ Melbourne şeerinde gece klubınıñ kirişinde olğan atış neticesinde bir insan elâk oldı, üç kişi yaralandı. Bu aqta Viktoriya ştatınıñ politsiyası haber etn.

Yaralanğanlardan biriniñ alı kritik sayıla, eki kişiniñ ayatı içün bir telüke yoq, dep bildire Azatlıq Radiosı.

Adise yerli saatqa köre saat 3:20-de (Kyiv saatına köre aprelniñ 13-nde saat 20:20-de) oldı. Kimligi belli olmağanlar Porsche Cayenne maşinasından ateş açıp, adise yerinden qaçıp ketti.

Daa soñra maşina yaqılğan alda tapıldı.

Cinayetçiler politsiya tarafından qıdırıla.

Martnıñ 15-nde Yañı Zelandiyanıñ Kraystçerç şeerindeki Al-Nur ve Linvud camilerinde atış oldı, o daqqada anda yüzlernen insan bar edi. Terakt neticesinde, soñki malümatqa köre, 50 insan elâk oldı, onlarnen kişi yaralanıp, hastahanege alınğan edi. Ücüm etkeninde qabaatlanğan üç kişi yaqalandı.

XS
SM
MD
LG