Восемь человек погибли в результате рекордной жары, от которой несколько дней страдает Западная и Центральная Европа.
Как сообщает агентство AFP, четыре человека погибли во Франции, двое – в Италии, еще двое – в Испании.
Ğarbiy ve Merkeziy Avropada bir qaç künden berli pek sıcaq. Bir sıra memlekette eñ yüksek ava arareti köstergiçleri yükseldi. Frenkistanda cuma künü sıcaq rekord köstergiçi deyerli 2 derecege aştı. Frenkistannıñ yañı araret rekordı - Tselsiyge köre 45,9 derece. Böyle ava arareti memleketniñ cenübinde, Monpelyeniñ yanında qayd etildi, dep bildire Azatlıq Radiosı.
Bazar künü Almaniya, Poloniya ve Çehiyada da öyle sıcaq kün olacağı beklenile.
Eñ sıcaq ava - Frenkistan cenübinde ve İspaniyada. Anda bir qaç künden berli ava arareti 40 dereceden yuqarı köterile. İspaniyanıñ şimal-şarqında ve merkeziy qısmında vaziyet tabiat yanğınları içün daa müşküldir.
Şimdiki yüksek ava araretiniñ sebepleri - Afrika Sahrasından sıcaq avadır. Endigi afta Avropada salqınca olmaq kerek.
Amma iklimciler, bu iyül çoq memlekette, keçken yıllarğa köre, eñ sıcaq olmaq mümkün, dep qayd eteler, bu - iklimniñ büyük deñişmeleriniñ daa bir tasdıqıdır.
