Avropa Şurasınıñ jurnalistikanı qorçalav platforması Rusiye tarafından beş yılğa üküm etilgen Qırım.Aqiqatnıñ frilanseri Vladislav Yesipenkonı acele azat etmege çağıra.
Mütenasip çağıruv Platformanıñ X içtimaiy ağındaki saifesinde derc etildi
"Platformanıñ ortaqları jurnalist Vladislav Yesipenkonı acele azat etmege çağıralar. RFE/RL ukrayin hızmetiniñ regional haber neşiriniñ mühbiri Yesipenko Qırımda 2021 senesi mart ayından berli apiste buluna", — dep aytıla haberde.
Vladislav Yesipenko ukrayin jurnalisti, Qırım.Aqiqatnıñ frilanseridir. Apiske alınmazdan evel içtimaiy ve ekologik meselelerni aydınlattı, qırımlılarnen soravlar keçirdi.
10 марта 2021 года его задержали в Симферополе. Российские власти обвинили журналиста в сборе информации «в интересах спецслужб Украины», а также хранении в автомобиле «самодельного взрывного устройства».
2021 senesi martnıñ 10-nda onı Aqmescitte yaqaladılar. Rusiye akimiyeti jurnalistni "Ukrayina mahsus hızmetleri menfaatında" malümat toplağanında ve "öz başına yapılğan patlayıcı cihaz" saqlağanında qabaatladı.
Neticede Yesipenko 5 yıl umumiy rejimli koloniyada qalmasına ve 110 biñ ruble para cezasına mahküm etildi. Rusiye qabaatlavı Yesipenko içün 11 yıl apis cezasını istedi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
