Kyivde qırımtatar halqınıñ lideri, Ukraina halq mebusı Mustafa Cemilevge Avropa konservator ve reformistleri partiyasınıñ "Azatlıq Mukâfatı"nı berdiler.
"Nege diqqat ettim ki, Qırım işğalinden evelki bütün ömrüme köre, men, ondan soñ mukâfat, medal, orden, türlü universitetlerniñ professor diplomlarını bir qaç qat ziyadece aldım. Bu mukâfatlar bizni pek memnün ete. Şüretperest olıp, orden istegenimiz içün degil, bunı, işğalcilerge qarşı küreşimiznen birdemlik kibi qabul etemiz", - dedi Cemilev.
Evel haber etilgeni kibi, "Kyiv Liberty Summit" forumında Cemilev, ilhaq etilgen Qırımda "insan aq-uquqlarınıñ bozuluvı" aqqında aytıp berdi.
Avropa konservator ve reformistleri teskil etken «Kyiv Liberty Summit"i, Kyivde noyabr 7-10 künleri keçe.
