«Maydandaki narazılıqlardan 10 yıl keçken soñ kerçekten tarihiy kün keldi. Avropa komissiyası Ukrayına ve Moldovanıñ qoşuluvına dair muzakerelerni başlatmağa tevsiye ete. Komissiya Bosna-Hersek ile muzakere başlatıp, kriteriylerge riayet etilmesine irişmesini laf etmege tevsiye ete. Gürcistanğa da namzet memleket statusını bermege tevsiye ete», – dedi o.
Onıñ aytqanına köre, Ukrayına Avropa Birliginiñ 2022 senesi iyün ayında namzet statusını aluv vaqtında Avropa Birligine berilgen tevsiyelerniñ 90%-ını yerine ketirdi.
«Bunıñ esasında bugün Şurağa (Avropa Şurasına – QA) qoşuluv muzakerelerini başlatmağa tevsiye ettik. Ukrayına islâatlar keçirgen soñ Şura muzakere çerçivelerini qabul etsin, dep tevsiye etem», – dep ayttı Avropa komissiyasınıñ prezidenti.
Böylece, dekabr ayında liderlerge Ukrayınanıñ azalığını muzakere etüvnen bağlı siyasiy qararnı tasdıqlamağa tevsiye etile, amma muzakereler Ukrayına Avropa komissiyasınıñ bıltır iyün ayında qoyğan şartlarını bütünley yerine ketirgen soñ başlanacaq.
Diger taraftan, Avropa komissiyasınıñ prezidenti qayd etkenine köre, Avropa Birligi Şurası «yeşil ışıq» bergen soñ, yani Avropa Birliginiñ 27 aza memleket lideriniñ qararından soñ, tehnik azırlıq başlanacaq.
Ukrayınanıñ islâatlarnı yerine ketirgenine Avropa komissiyası kelecek sene mart ayında qıymet kesecek.
Dekabr ayındaki sammitte Avropa Birliginiñ 27 aza memleketiniñ lideri muzakerelerniñ başlamasına dair qararnı tasdıqlamalı, mart ayında ise, Ukrayına bütün tevsiyelerni yerine ketirse, muzakereler başlana bile.
Ukrayına esabatından – Azatlıq Radiosında olğan Avropa komissiyasınıñ iç vesiqasına köre, Avropa komissiyası yedi kriteriyden dördü bütünley yerine ketirildi. Ukrayına muzakereler 2024 senesiniñ başında olacaq, dep ümüt ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
