Avropa Birliginiñ eki memurı, Avropa komissiyasınıñ ve Avropa şurasınıñ prezidentleri Büyük Britaniyanıñ AB terkibinden çıqması aqqında añlaşmanı imzaladı, dep haber ete Azatlıq Radiosı.
"Charli Michele ve men Britaniyanıñ AB terkibinden çıqması aqqında añlaşmanı imzaladıq, ve böylece Avropa parlamentiniñ onıñ tasdıqlavına yolnı açtıq", - yazdı Avropa komissiyasınıñ reisi Ursula von der Leyen.
Büyük Britaniya parlamenti Brexit şartları aqqında vesiqanı yanvarniñ 22-sinde qabul etti, bundan soñ vesiqanı qıraliçe II Elizabeth taqdirledi ve o qanun oldı.
Añlaşmağa köre, çıqış 2020 senesi yanvarniñ 31-inde yapılmalı. Oñace vesiqanı Avropa parlamenti de tasdıqlamalı.
Yanvarniñ 31-inden soñ, 2020 senesiniñ soñunace sürecek keçüv devri başlanacaq. Bu vaqıt devamında Büyük Britaniya Avropa Birliginiñ qaidelerine uyacaq, amma Avropa institutlarında onıñ vekilleri olmaycaq.
