Rusiye ordusınıñ Zaporijjâğa ücümi Ukrayinanıñ "ealisine qarşı terrornıñ" devamıdır, dep bildirdi Avropa komissiyasınıñ Tış siyaseti hızmetiniñ spikeri Peter Stano.
"Bu sefer olar Zaporijjâğa, anda bala yaz lagerleri çalışqan musafirhanelerge selet darbe endirdiler. Bu arbiy cinayetler toqtatılmalı. Qabaatlı er kes mesüliyetke çekilmeli", - dep bildirdi o.
Evel BMT-nıñ Ukrayinadaki koordinatorı Deniz Braun, BMT hadimleri ve diger ükümetke bağlı olmağan teşkilâtlar yaralanğanlarğa yardım köstermek içün Reikartz musafirhanesini qullanğanlırını bildirgen edi.
Rusiye avgustnıñ 10-nda Zaporijjâdaki arbiyleri "çetel ücretli askerler" yerleşken bazağa darbe endirgenini iddia ete.
Ukrayina Milliy polisiniñ malümatına köre, darje "İskander-K" raketası ile endirilgen. Bir insan elâk olğan, ondan ziyade yaralanğan.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
