Avropa Komissiyasınıñ prezidenti Ursula fon der Lâyenniñ Kıyivge ziyareti Ukrayinağa Avropa Birligine azalıq içün namzet statusınıñ berilmesiniñ qıymetlendirmesini yekünlemek niyetidedir. Bunı o iyünniñ 11-nde Ukrayina prezidenti Volodımır Zelenskıy ile matbuat konferentsiyası vaqtında bildirdi.
"Bugünki munaqaşalar kelecek aftanıñ soñuna qadar qıymetlendirmeni yökünlemege imkân berecekler", - dedi o.
Twitterde Ursula fon der Lâyen bildirdi ki, Zelenskıy ve Ukrayina baş naziri Denis Şmıgal ile muzakereler qıymetlendirmeniñ tamamlanmasına yardım etti.
Avropa Komissiyasınıñ prezidentiniñ sözlerine köre, Ukrayina turğun parlament demokratiyası kibi Rusiyeniñ işğalinden evel "artıq yahşı yolda edi".
"Bu cenk kerçekten stres deñevidir. Ve bütün memleket faalleşti. Memleketni yañartmaq ve ilâatlar keçirmek içün de anıy istekler olmalıdır. Avropa sizge destek olmaq içün mındadır", - dep bildirdi o.
Fevralniñ 28-nde Ukrayina prezidenti Volodımır Zelenskıy AB azalıq arizasını imzaladı.
Ukrayinağa azalıq namzeti statusınıñ berilmesine dair qarar bir ağızdan qabul etilmelidir.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
