Avropa komissiyasınıñ reisi Ursula von der Leyen, "Yeşil kelişme" dep adlandırılğan AB-niñ etraftaki müit qoruması planını taqdim etti. Oña köre, 30 yıldan soñ Avropa Birliginiñ azaları olğan devletlerniñ, “issihane” gazlarınıñ taşlantısı ve suvurmasınıñ farqı sıfırğa kelmeli, bildire Azatlıq Radiosı.
Yer astından çıqarılğan yaqıttan vazgeçmege istegen memleketlerge yardım etmek içün, yaqın yıllarda 100 milliard yevro yatırımlarnı celp etecek olalar.
Avropa sanayısına ciddiy ekilogik normalarğa uymağa teklif etile. Aynı zamanda Avropa komissiyası, onı ucuz italât mahsulatından qoruycaq ola. Bundan ğayrı, “issihane” gazlarınıñ taşlantısı kvotalarından sebep, ava seyaatları ve suv naqliyatı bayağı paalılaşa bile.
AB-niñ azaları olğan memleketler, Avropa komisiyasınıñ teklifini dekabrniñ 12 ve 13-ünde keçecek sammitte muzakere etecek. Poloniya, Macaristan ce Çeh Cumhuriyeti endi bu programmağa qarşı çıqtı, dep bildire Reuters.
