İnsan aqlar Avropa mahkemesi Rusiye Federatsiyasını söz serbestliginiñ sistematik bastırılmasında ve Ukrayinağa qarşı cenkni tenqit etken insanlarnıñ taqip etilmesinde qabaatlı tanıdı. Makeme ayrıca qayd etti ki, Qırımda Rusiye makemeleriniñ bütün ükümleri qanunsızdır. Bu aqta Ukrayina adliye nazirliginde bildirdiler.
İnsan aqları Avropa makemesi "Novaya gazeta ve digerleri Rusiyege qarşı" davasında qarar aldı, bu da 161 arizanı birleştirdi, olarnıñ arasında üç Ukrayina vatandaşı da bar edi. Makeme, Rusiye ordunı "itibardan tüşürüv" ve "sahte haberler" qanunlarını cenk tenqitini bastırmaq içün qullanıp, söz serbestligi aqqını bozğanını bir ağızdan tanıdı.
"İşimizde, Rusiyeniñ Ukrayinağa qarşı cenk ve tecavuzına qarşı öz mevamını bildirgen şahıslar, Rusiye tarafından "Rusiye ordusınıñ itibarını tüşürgen" kibi qabul etilgen beyanatları içün taqip ve fizikiy zorbalıqqa oğratılğanı sebebinden, vaziyet Rusiyeniñ tam mıqyaslı istilâsından soñ bayağı beterleşkenini qayd ettik", — dep qayd etti Avropa insan aqları makemesiniñ vekâletlisi Margarita Sokorenko.
Avropa insan aqları makemesi işğal etilgen Qırımdaki vaziyetke ayrı diqqat ayırdı. Makeme qayd etti ki, Rusiye makemeleriniñ bütün ükümleri qanunsızdır, yarımadada Rusiye qanunlarınıñ qullanılması ise İnsan aqları şartnamesini boza.
QRM malümatına köre, Rusiye Qırım yarımadasını ilhaq etkeninden berli 370 siyasiy sebepli cinaiy taqip qayd etildi, olardan 228 - qırımtatarlarğa qarşı. Ukrayina Yuqarı Radasınıñ vekili Dmıtro Lubinetsniñ bildirgenine köre, al-azırda 218 qırımlı siyasiy ve diniy sebeplerden taqip etile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
