Avropa insan aqları mahkemesi Rusiyeni "çetel agentler" kibi tanılğan Rusiyeniñ Ticariy olmağan teşkilâtlarına tazminat ödemege mecbur etti. AİAM-niñ qararı "Ecodefense and others against the Russian Federation" davasına birleşken 73 arizacınıñ şikâyeti esasında çıqırılğan. Bunı "çetel agent" kibi tanılğan "Media aqları qoruv merkezi" Ticariy olmağan teşkilât bildire.
AİAM Rusiye akimiyetiniñ toplaşmaq ve birleşmek azatlığını temin etken Avropa insan aqalrı şartnamesiniñ 11-nci maddesini bozğanına dair qarar berdi. Rusiye "Media aqları qoruv merkezi"ne 17 290 yevro tazminat ödemesine mahküm etildi.
İyünniñ 7-nde Rusiye Devlet Duması Avropa insan aqları mahkemesiniñ çıqarğan qararlarını yerine ketimemege izin bergen qarar leyhasını qabul etti.
Rusiyede "çetel agentler" aqqında qanun 2012 senesi peyda oldı. Qanun Rusiye Federatsiyasınıñ Adliye nazirligine ticariy olmağan teşkilâtlarnı çetelden maliye alğan ve "siyasiy faaliyet" ile meşğul olğan alda "çetel agentler" kibi tanımağa ruhset berdi. Bu kibi faaliyetni belgilegen kriteriyler qanunda yazılmağan. Bundan sebep Rusiye akimiyeti medeniyet, sağlıq, ekologiya, insan aqaları saasında çalışqan teşkilâtlarnı taqip ete bile.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
