Avropa Birliginiñ elçileri, ilhaq etilgen Qırımğa yatırım yapmaqnıñ yasağını daa bir yılğa uzatmağa añlaştı. Resmiy şekilde sanktsiyalar kelecek eki afta devamında devam etilecek. Bu aqta Azatlıq Radiosınıñ Brussel mühbiri bildirmekte.
Avropa Birliginiñ azaları da, AB sammitinde Brusselde körüşkende Rusiyege qarşı sanktsiyalarnı 6 ayğa uzatır, dep beklenile.
Keçken yıl iyünde AB memleketleriniñ Köy hocalıgı ve balıqçılıq nazirleri, Rusiye ilhaq etken Qırımğa yatırım yapmaqnıñ yasağını daa bir yılğa uzatqan edi.
Sıñırlavğa köre, AB-ne Qırım mahsulatını satılması, Qırımğa Avropa yatırımı yapılması, hususan anda köçmemezlikniñ satın alınması, hızmet berilmesi, bizneske para ayırılması yasaqtır. Bundan ğayrı, acele adiselerden ğayrı, Qırım limanlarına Avropa gemileriniñ kirmesi yasaqlana.
Donbastaki silâlı zıddiyet 2014 senesinden berli Rusiyeniñ Qırım işğalinden soñ devam ete. Ukraina ve Ğarp Rusiyeni separatistlerge silâlı yardım köstergeninde qabaatlaylar. Kreml bu qabaatlarnı red ete ve Donbasta ancaq Rusiye «göñüllileri» bar, dep israr ete. BM malümatına köre, 2018 senesi dekabr ayına qadar zıddiyet vaqtında 13 biñ insan elâk oldı, tahminen 30 biñ yaralandı.
