Avropa Birliginiñ yañı sanktsiyaları "Moskvağa küçlü bir signaldır". Bunı Avropa komissiyasınıñ prezidenti Ursula fon der Lâyyen bildirdi.
"Aza memleketler Kremlge qarşı küçlendirilgen, uzatılğan sanktsiyalar qoyulmasına razı oldılar. Bunı memnüniyet ile alğışlayım. Bu Moskvağa küçlü bir signaldır: kerek olğanına qadar yüksek tazyıqnı destekleycekmiz", - dep yazdı o .
Sanktsiyalarnıñ tafsilâtı şimdlik daa belli degil, çünki olarnı daa AB resmiy mecmuasında yayınlamaq kerekler.
İyülniñ 20-nde Avropa Birligi Rusiyeniñ Ukrayinağa istiyalsı sebebinden oña qarşı daa bir, artıq yedinci sanktsiyalar paketini tasdıqladı.
Bundan evelki, altıncı sanktsiyalar paketi 2022 senesi dekabrniñ 5-den Rusiyeden deñiz yolu ile neft italâtına yasaq qoyulmasını közde tuta edi.
Aynı zamanda AB-niñ iç bir sanktsiyalar paketi gaz embargosını köz ögünde tutmay.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
