Avropa diplomatları Avropa Komissiyası Rusiyege qarşı 20-nci sanktsiyalar paketini kelecek afta aza devletlerge muzakere etmek içün taqdim etecegini bekleyler. Sanktsiyalar paketini Ukrayinağa qarşıt tam kölemli cenk başlanğanınıñ dörtünci yıllığına qabul etmekni planlaştıralar. Bu aqta "Azatlıq Radiosı"na bir qaç Avropa diplomatı ayttı.
Paketke sanktsiyalarğa qarşı çıqıp, tış bayraqlar astında cermay ihracat etmege devam etken Rusiye tankerleriniñ "kölge flotu"na qarşı küreşniñ ilerideki tedbirleri kirsetilmesi beklenile
Evel İsveçiya ve Finlândiya sanktsiyalarnı tek sanktsiyalar cedveline gemilerni qoşmaqnen sıñırlamamaqnı, bundan ğayrı daa bütün tankerlerge hızmet kösterüv sektorına da qoymaqnı teklif ettiler.
Aynı zamanda diplomat qayd etti ki, şimdiki vaqıtta 20-nci paketniñ soñki variantı nasıl olacağı belli degil, çünki onı bütün AB aza devletleri desteklemek kerekler.