Link açıqlığı

Avropa Birligi Ukrainağa 1 mlrd yevro kredit olaraq berecek


Ukraina ve Avropa Birligi memleketke 1 mlrd yevro miqdarında kredit berilmesi aqqında añlaşma imzaladılar. Bu paranı Ukraina 500 million yevrolıq eki tranş olaraq alacaq ve 15 yıl devamında qaytaracaq.

UNİAN malümatına köre, añlaşma Ukraina baş naziri Arseniy Yatsenük ve Avropa komissiyasınıñ prezidenti Joze Manuel Barrozunıñ yolbaşçılığı altında keçirilgen ukrain ükümeti ve Avropa komissiyasınıñ umumiy toplaşuvında imzalandı.

Ukraina tarafından añlaşmanı Ukraina maliye naziri Oleksandr Şlapak imzaladı.
Bunıñnen beraber, Ukraina Milliy bankı belgilegen kredit añlaşması imzalandı. 500 million yevro miqdarında birinci tranş memorandum ve kredit añlaşması işke tüşürilgen soñ ayırılacaq. Ekinci tranş – kredit berilmesi programmasına riayet etmesiniñ neticelerine köre.

Kredit 15 yıl devamında qaytarılmaq kerek. Bundan evel Kiyevge para ayırlmasını Avropa komissiyası, AB Şurası ve Avropa Parlamenti tasdıqladılar.

Hatırlatamız, mart ayında AB Kiyevge 11 mlrd yevro ayırmağa qarar aldı, olardan 1,6 mlrd yevro – kreditler (şu cümleden imzalanğan memorandum esasında ayırılğan 1 milliard yevro), 1,4 mlrd yevro – yardım, Avropa rekonstruktsiya ve inkişaf bankı 5 mlrd yevro ayıracaq, ve Avropa yatırım bankı 3 mlrd berecek.
XS
SM
MD
LG