Bugünden başlap üç Rusiye bankı Sberbank, Rosselhozbank ve Moskva kredit bankı SWIFT banklarara sistemasından kesilgen. Bu, Rusiyeniñ Ukrayinağa istilâsını ile bağlı AB-niñ altıncı sanktsiyalar paketiniñ tayin etilmesiniñ neticesidir, dep haber ete ВВС-niñ rus hızmeti.
Sanktsiyalar aqqında mayısnıñ soñunda kelişildi, aqımdaki aynıñ başında ise tasdıqlandı.
Bundan evel Rusiye banklarınıñ temsilcileri bildirdiler ki, qoyulğan sıñırlavlar olarnıñ işine o qadar da tesir etmeycek.
"Rusiye matbuatınıñ haber etkeni kibi, Sberbankta olar er vaqıt kibi çalışqanlarını ve SWIFT-ten kesilmesi halqara esaplaşmalarnen bağlı vaziyetni deñiştirmegenini bildirdiler. Moskva kredit bankında, Rusiyeniñ içinde ameliyatlar er vaqıt kebi devap etecek, amma çetelde ödenişlernen olarnıñ icra müddeti süre bilir, dep qayd ettiler. Rosselhozbankta da, Rusiye bank sistemasında toqtamağan avtonom faaliyetni temin etmek içün kerekli şarait yarıtılğanını bildirdiler", - dep haber ete BBC.
Mayısnıñ 31-nde Avropa Birligi Rusiyege qarşı alıncı sanktsialar paketi aqqında kelişti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
