Avropa Birligi, Rusiye halqara uquqnı ciddiy şekilde bozıp küç qullanğanına qadar, "AB-niñ bütün tedbirlerini devam ettirmek ve kerek olsa, qoşma tedbirler almağa" qarar aldı.
Avropa Birligi Rusiyege qarşı sanktsiyalarnı 2022 senesi fevral ayında onıñ Ukrayinağa tam miqyaslı istilâsına cevap olaraq qoydı. Rusiye Donetsk, Herson, Lugansk ve Zaporojjâ vilâyetleriniñ bir qısmını ilhaq etkenini ilân etken soñ, sanktsiyalar 2022 senesi oktâbr ayında kenişletildi.
2024 senesi yanvar ayında Avropa şurası Rusiye Federatsiyasınıñ Ukrayinadaki vaziyetni kerginleştirüv areketlerini köz ögüne alıp, sıñırlav tedbirlerini daa altı ayğa uzattı - bu sanktsiyalar ilk sefer 2014 senesi qoyulğan edi. Olar 2022 senesi fevral ayından başlap "Rusiyeniñ Ukrayinağa qarşı sebepsiz ve qanunsız arbiy tecavuzına" cevap olaraq bayağı kenişletildi.
Avropa Birligi, Rusiye ile ticaret ve Rusiye siyasiy elitasınıñ faaliyetini sıñırlağan on eki sanktsiya paketini tayin etti. Avropa Birliginde, ''sanktsiyalar Rusiye ordusını ve onıñ teminleyicilerini Ukrayinanıñ suveren toprağında cenk alıp barmaq içün kerek olğan mal ve donatmalardan marum qaldıra'' dep sayalar. Şimdi 13-ünci sanktsiyalar paketi muzakere etile.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
