Avropa Birligi Rusiyege qarşı qoyulğan iqtisadiy sanktsiyalarnıñ müddetini uzattırdı. Bunı Avropa Birliginiñ Şurası bildirdi.
"Bugün Şura Rusiyeniñ spetsifik sektorlarına qarşı qoyulğan sanktsiyalarnı daa yarım yılğa, yani 2023 senesi iyülniñ 31-nece uzattırmağa qarar aldı. ", - dep yazıla bildirmede.
Sıñırlavlar ticaret, maliye, tehnologiyalar, sanayı, naqliyat ve itişam şeylerine aittir.
İlk sefer sanktsiyalar 2014 senesi, Rusiye Ukrayinağa qarşı tecavuznı başlatqan soñ qoyulğan edi. 2022 senesi fevralniñ 24-nden soñ Avrolpa Birligi olarnı arttırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
