Avropa birligi Ukrainada OBSE nezaretçileri eyyetiniñ maliye destegini artırdı.
«Nemetskaya volna» bildirgenine köre, saylav kampaniyasınıñ ve rey berüv ketişatınıñ nezaretine endi 10 million avro ayırıla eken. Evelden 5 million aqqında aytıla edi.
OBSE eyyeti tahminen biñ ekspert miqdarındadır. Çetel işler naziri Frank-Walter Steinmeier tahminen 100 közetici Almaniya Federativ Cumhuriyetiniñ vatandaşları olğanını aytqan edi.
Ukrainada OBSE eyyetiniñ faaliyeti Avropa Birliginiñ barışıqnıñ ve Ukrainada mayıs 25 künü keçirilecek prezident saylavlarınıñ azırlavına cemiyetniñ işançınıñ pekitilmesine yönetilgen mahsus leyhası çerçivesinde olıp keçe. Avropa birliginiñ tışqı siyasiy bölüginiñ matbuat-relizinde maliye desteginiñ artırması Ukrainada OBSE eytine Avropa birliginiñ çeşit memleketlerinden, em de oña qoşula bilecek devletlerden 100-den ziyade nezaretçiniñ celp etilmesini nazarda tuta eken.
Avropa nezaretçileri şu künleri Herson, Odessa, Lvov, İvano-Frankovsk, Harkov, Donetsk, Dnepropetrovsk, Çernovtsı ve Luganskta çalışa.
«Nemetskaya volna» bildirgenine köre, saylav kampaniyasınıñ ve rey berüv ketişatınıñ nezaretine endi 10 million avro ayırıla eken. Evelden 5 million aqqında aytıla edi.
OBSE eyyeti tahminen biñ ekspert miqdarındadır. Çetel işler naziri Frank-Walter Steinmeier tahminen 100 közetici Almaniya Federativ Cumhuriyetiniñ vatandaşları olğanını aytqan edi.
Ukrainada OBSE eyyetiniñ faaliyeti Avropa Birliginiñ barışıqnıñ ve Ukrainada mayıs 25 künü keçirilecek prezident saylavlarınıñ azırlavına cemiyetniñ işançınıñ pekitilmesine yönetilgen mahsus leyhası çerçivesinde olıp keçe. Avropa birliginiñ tışqı siyasiy bölüginiñ matbuat-relizinde maliye desteginiñ artırması Ukrainada OBSE eytine Avropa birliginiñ çeşit memleketlerinden, em de oña qoşula bilecek devletlerden 100-den ziyade nezaretçiniñ celp etilmesini nazarda tuta eken.
Avropa nezaretçileri şu künleri Herson, Odessa, Lvov, İvano-Frankovsk, Harkov, Donetsk, Dnepropetrovsk, Çernovtsı ve Luganskta çalışa.
