Avropa şurasınıñ prezidenti Donald Tusk mayısnıñ 13-nde Ukraina prezidenti Petro Poroşenkonı Brüsselde qabul etecek. Bu aqta Avropa şurasınıñ resmiy saytında aydınlatılğan memurnıñ iş cedveli bildire, dep haber ete Azatlıq Radiosı.
Şu künü Tusk Azerbaycan prezidenti İlham Aliyev ve Moldova baş naziri Pavel Filipp ile ayrı körüşüvler keçirecek.
Bu körüşüvlerden soñ Avropa şurasınıñ «Şarqiy ortaqlıq» programmasınıñ 10 yılı munasebetinen tedbirler keçirilecek. Avropa Birligi bu siyasetni kerçekleştirip, şarqiy avropalı qomşuları Ermenistan, Azerbaycan, Beyazrusiye, Gürcistan, Moldova ve Ukraina ile munasebetlerini inkişaf ettire.
«Şarqiy ortaqlıq» 2009 senesi mayısnıñ 7-nde Pragada meydanğa ketirilgen edi.
