Link açıqlığı

Avropa Şurası Parlament assambleyası Qırım vaziyeti boyunca eki rezolütsiyanı azırladı


Bugün Strasbourgda (Frenkistan) Avropa Şurası Parlament assambleyasınıñ baar sessiyası başlanacaq. Assambleyanıñ kün tertibinde olğan müim suallerden biri – QMC-deki arbiy istilâsı içün Rusiyege nisbeten sanktsiyalarnıñ kirsetilüvidir.

zn.ua bergen malümatına köre, endi parlament gruppalardan eki rezolütsiya leyhası azırlanıldı.

«Vesiqalarnıñ birisinde rusiye eyyetini vekâletini baqıp çıqmağa teklif etile, ekincisinde – rey berüv aqqından marum etmek», – dep yaza neşir.

Rusiye eyyeti Frenkistanğa tam erkânda yol aldı. Muzakerelerde evelleri Avropa Şurası sanktsion cedveline kirsetilgen Duma komitetiniñ reisi Leonid Slutskiy iştirak etecek.

Avropa Şurası Parlament assambleyasınıñ baar sessiyası aprel 11-de, cuma künü yekünlenecek.

Bugün Avstriya prezidenti Heinz Fischerniñ çıqışı, faişelik, insanlar satıluvı ve Avropada zemaneviy qulluq problemleri boyunca esabat, insan aqqları boyunca Avropa Şurası kömmisarı Nils Muižnieks çıqışı planlaştırıla.
XS
SM
MD
LG