Avgustnıñ 3-nde Ava mudafaası quvetleri Kıyivge yaqınlaşqan 15 nişannı urıp tüşürgen. Bunı Kıyiv vilâyetiniñ arbiy memuriyetiniñ yolbaşçısı Sergiy Popko bildirdi.
"Ücüm kene kütleviydir. Ava mudafaası quvetleri Kıyivge yaqınlaşqan 15 nişannı yoq etti. Mevcut olğan malümatqa köre, paytahtta qurbanlar ve dağıluvlar yoq", -dep ayttı memur.
Kıyiv vilâyetinde ava telükesi signalı saat 0:49-dan saat 4:07-ge qadar devam etti, paytahtta ise üç saat. Büyük cenkniñ başlamasından berli bu Kıyge 820-nci ücümdir.
İyülniñ 31-nde saba Rusiye ordusı Krıvıy Riğ şeerine eki raketa attı – bir danesi mesken evniñ dördünci qatından doquzıncı qatına qadar sektsiyağa, ekincisi kimse yaşamağan binağa tüşti.
Rusiye arbiyleri Ukrayina şeerlerine muntazam şekilde ateş ete. Delillerge baqmadan, Rusiye Ukrayinada vatandaşlarğa ve arbiylerge qarşı cinayetlerde mesüliyetini inkâr ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
