Avgust devamında Rusiye quvetçileri işğal etilgen Qırımda insan aqlarını bozğan 45 yaqalav ve 35 tevqif kerçekleştirgen. Bunıñ aqqında Qırımtatar resurs merkeziniñ esabatında yazıla.
Berilgen malümatqa köre, olardan 29-ı qırımtatarlarda olğan. Ve bu qadar da qırımtatatr neticede yaqalanğan.
Bundan ğayrı avgust ayında 45 sorğu, laqırda, 36 adaletli mahkeme aqqınıñ bozuluvı ve ruhiy ve bedeniy ceetten insan aqlarınıñ 3 bozuluvı qayd etilgen.
Daa esabatta avgust ayında Rusiye quvetçileri 16 tintüv keçirgeni ve olardan 7-si qırımtatarlarnıñ evlerinde olğanı aqqında yazıa.
2023 senesiniñ ilk 6 ayı içinde Qırımda 101 yaqalav, 140 tevqif, 104 sorğu ve 37 tintüv qayd etilgen. Bunıñ aqqında Qırımtatar resurs merkezi tarafından yayınlanğan işğal etilgen Qırımda insan aqları bozuluvınıñ talilinde yazıla.
2022 senesi dekabr ayında yañartılğan BM Baş assambleyasınıñ Rusiye ilhaq etken Qırımda ve Aqyarda insan aqları vaziyeti qararında «Qırımda sebepsiz tutuvlar, Qırımğa ve Qırımdan zornen avuştıruv», hırsızlav, «filtratsiya tedbirleri» takbih etildi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
