Avgust ayında cenk areketleri sebebinden Ukrayinanıñ 184 barışıqsever sakini, şu cümleden 8 bala, elâk oldı, 856 vatandaş yaralandı. Bu aqtaBM esabatında aytıla.
Vatandaşlar arasında eñ çoq Qurban (91%) ve zarar körgen tasil ve tibbiyet müessiseleri (95%) avgust ayında Ukrayina ükümeti kontrol etken yerlerde oldı, yani Rusiye ordusı ücüm etken topraqlarda.
Elâk olğan 184 insandan 10-u, 856 yaralanğan kişiden 84-ü Rusiye işğal etken topraqlarda yaşay.
Avgust ayında cenk qurbanlarınıñ aman-aman episi raketa, bomba ve top darbelerinden elâk oldı, eki kişi mayınlarda patladı.
BM esaplarına köre, 2022 senesi fevralniñ 24-nden başlap, Rusiye Ukrayinağa qarşı büyük cenk başlatqanından berli, cenk areketleri neticesinde 11743 insan elâk oldı, 24614 Ukrayina barışıqsever sakini yaralandı.
Rusiye arbiyleri Ukrayina regionlarına çeşit silâlardan muntazam surette ücüm ete. Delil ve şaatlıqlarğa baqmadan, Moskva, tam bir istilâ başlağanından berli, vatandaşlarğa nisbeten yapılğan ücümlerni red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayeti olaraq tasnif etip, belli maqsadları bar, dep qayd ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
