Link açıqlığı

Ukraina içki işler nazirliginiñ başı Arsen Avakov öz Fasebook saifesinde Donetsk vilâyeti Slavânskta antirroristik ameliyatnıñ başlanmasını ilân etti.

«Slavânskta ATO başlandı. Ukraina havfsızlıq hızmetiniñ Antiterroristik merkezi yolbaşçılıq ete. Memleketniñ bütün bölüklerinden quvetler celp etildi. Bismillah!», – dеp yazdı Avakov.

Cumaertesi aqşam Ukraina Yuqarı Şurasınıñ reisi, Ukraina prezidentiniñ vazifelerini eda etken Oleksandr Turçinov reisliginde Milliy havfsızlıq ve mudaafa hızmetiniñ acele toplaşuvı olıp keçti.

Toplaşuv devamında iştirakçiler Ukraina Şarqındaki vaziyetniñ tınçlanuvı ile bağlı olğan tedbir ve suallerni muzakereettiler. ZN.UA bergen malümatlarğa köre, fevqulâde vaziyet kirsetilmesiniñ imkâniyeti de baqıldı. Neticede qabul olunğan qararlar aqqında malümat yoq.
XS
SM
MD
LG