Link açıqlığı

Avakov: Poltava vilâyetinde gaz borusınıñ patlav sebebi – terakttır


Poltava vilâyetinde gaz borusınıñ patlavı Rusiye tarafından Ukrainanı gaz saasında şerik olaraq itibardan tüşürmek içün etilgen nevbetteki ıntıluvıdır.

Bunı içki işler naziri Arsen Avakov bildirdi, dep haber ete Azatlıq Radiosı.
«Şimdi bu pıtaqta gaz teminlevi toqtatılğan, büyük facia havfı yoq etildi. Saat 16:40-qa ateş söndürildi. Gaz yedek pıtağından berile»,– dedi Avakov.

«İçki işler nazirliginiñ hızmetçileri patlavnıñ sebebini belgilemek içün taqiqatlarnı keçire. Bir qaç sebep baqıla, şu cümleden, esas variant – terakttır», – dedi nazir.

«Urengoy-Pomarı-Ujgorod» gaz borusınıñ qısmında patlav salı künü saat 14:20 yüz berdi, zarar körgenler yoq.
XS
SM
MD
LG