Link açıqlığı

Donetsk vilâyeti Kramatorskta belgisiz şahıslar militsıyanıñ rayon bölügine ateş açtı. Bunı öz Facebook saifesinde içki işler naziri Arsen Avakov yazdı.

Onıñ aytqanına köre, militsıya ücümğa silâ vastası ile cevap qaytara.

«Kramatorsk (Donetsk vilâyeti). Ücüm yüz berdi. Belgisiz şahıslar rayon bölügine ateş aça. Militsıya cevap qaytara. Attışuv devam ete.

Krasnıy liman (Donetsk vilâyeti) – Rusiyede yapılğan AK 100 qısqa namlu avtomatlı insanlarnıñ ücümi – militsıya ve şeer drujinniklerniñ areketleri ile qaytarılğandır. AK 100 tübnamlu granatamötlar tek RF ordularında bardır.

Slavânsk. Mobil bağnıñ qulleleri yoq etilgen, militsıyanıñ rayon bölügi ve Ukraina havfsızlıq hızmeti binası blok etildi», – dep yaza Avakov.

Bundan da ğayrı, onıñ sözlerine binayen, buña oşağan ücüm Donetsk vilâyeti Krasnıy Limanda da yüz berdi, amma militsıya hadimleri onı qaytarıp oldılar.

«Ukraina akimiyeti bugünki adiselerni RF tarafından istilâ olaraq tanıy», – dep bildirdi içki işler naziri.
XS
SM
MD
LG