Rusiye arbiyleri fevralniñ 20-ne keçer gecesi Ukrayinağa "İskander-M" ballistik raketası ve 80-i "Şahed" olğan 128 darbe uçucısızınen ücüm etti, dep bildirdi Ukrayina Silâlı quvetleriniñ Ava küçleri.
"İlk malümatqa köre, saat 08:30-ğa qadar ava mudafaası memleketniñ şimali, cenübi ve şarqında Shahed, Gerber, İtalmas ve diger duşman uçucısızlarını urdı/bastırdı", – dep aytıla haberde.
Ukrayina arbiyleriniñ malümatına köre, 14 yerde ballistik raketa ve 21 darbe uçucısızınıñ ücümi qayd etildi, bir yerde parçalar da tüşti.
Rusiye arbiyleri ücümni izaatlamadı.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.