Rusiye kontrolindeki Qırım ükümetiniñ Fevqulâde vaziyetler nazirligi sentâbrniñ 18-nde ava bozulacaq ve furtuna kelecek, dep bildire. Müessise yarımada havuzlarında fevqulâde adiseler ola bile, dep qorqa.
«Açıq havuzlarda ve Qara ve Azaq deñizlerinde az suvlarda telükesizlik tehnikasına riayet etilmegeninen bağlı fevqulâde adiseler ola bileceginiñ telükesi bar», – dep aytıla saytta.
Qurtarıcılar furtuna vaziyetinde yaldamağa olmağanını hatırlata. «Fevqulâde vaziyetler nazirliginiñ bir çoq ihtarı olsa da, raatlanğanlar ve gemi saipleri olarğa riayet etmey, özüni ve etraftakilerini ölüm telükesine oğratalar», – dep qayd etti Qırım FVN yolbaşçısı Sergey Şahov.
Müessiseniñ malümatına köre, yılnıñ başından Qırımda 56 insan suvğa battı.
Haber etilgenine köre, Qırımda ava bozulması beklenile.
