Atlantik okeanda ekipaj erkânında Ukraina vatandaşları olğan Bourbon Rhode gemisi ğayıp oldı, dep bildire Azatlıq Radiosı Ukraina Tış işler nazirliginiñ konsullıq hızmeti departamentiniñ müdir muavini Vasiliy Kiriliçniñ malümatına esaslanıp.
Onıñ aytqanına köre, gemi sentâbrniñ 26-nda Martiniquedan (Frenkistan departamenti) 1200 deñiz mil mesafesinde furtuna neticesinde ğayıp oldı.
Al-azırda Maritime Rescue and Coordination CENTR Fort De France (MRCC) Frenkistannıñ deñiz qurtaruv-koordinatsion merkezi keçirgen qıdıruv tedbirleri devam ete.
Frenkistannıñ Ukraina konsulı gemi saibi olğan şirketniñ ofisinen bağlandı. Kiriliç ğayıp olğan gemide qaç ukrainalı olğanını aydınlatmadı. Bazı kütleviy haber vastalarınıñ malümatına köre, olarnıñ sayısı on insanğa yaqın.
