Avstriya TİN başı Aleksandr Şallenberg Donbasta ateşni toqtatuv rejiminiñ bozuluvından ve Ukraina ile sıñırda ve Qırımda Rusiye ordusınıñ avuşmasından raatsızlıq bildirdi. Bundan ğayrı Avstriya TİN başı vaziyetni «er bir yañlış adım belâ sebebi ola bilecek ateşnen telükeli oyun» kibi qıymetlendirdi.
«Bir-birine tiygen safta ateşni toqtatuv rejiminiñ bozulmasından ve sıñır boyu ve Qırımda Rusiye ordusınıñ avuşmasından pek raatsızmız», – dedi Şallenberg Die Welt neşrine.
Aleksandr Şallenberg, al-azırda esas küç-quvet kerginleşmeniñ toqtatılması ve dialognıñ ğayrıdan başlanması ile bağlı olmaq kerek, dep qayd etti.
«Üç taraflı kontak gruppası (Rusiye, Ukraina, OSCE) ve Normandiya dördü kibi bütün bar olğan muzakereler formatlarından faydalanmağa ve böyle kibi vaziyetlerni al etmek içün teşkil etilgen teşkilâtnıñ yardımını istemege çağıramız», – dedi Avstriya naziri.
Avropa Birligi Tışqı siyaset hızmetiniñ başı Josep Borrell Rusiyeni Ukraina ile sıñırdan ordusını keri çekmege çağırdı.
Austriannıñ malümatına köre, halqara seviyede tanılğan Ukraina sıñırı boyunca 2015 senesinden berli «Rusiye on biñlernen askerini yerleştirip, ordusınıñ sayısı arttıra, bölüklerni faalleştirdi, bazalarını yañarttı ve daa küçlü bir yer, ava ve ava mudafaasını yerleştirdi».
Soñki vaqıtları Rusiye Donbasnıñ işğal etilgen qısmında gibrid küçleriniñ cenk areketlerini arttıra. Böylece, ateşkes rejiminiñ şartları bozula, amma Rusiye Ukraina ordusını qabaatlamağa tırışa. Bundan ğayrı, Qırımda ve Ukraina sıñırı yaqınlarında Rusiye askerleriniñ sayısını arttıruv Kyiv ve ğarbiy ortaqlarınıñ qasevetini doğura, çünki Rusiye ordusınıñ Ukrainağa açıq ücüm imkânı bar.
Ukrainanıñ ğarbiy ortaqları (ABD ve AB) ve NATO oña qol tutqanını bildirdi.
Kreml, Rusiye ordusınıñ Rusiyede areket etmesi diger memleketlerni, hususan Ukrainanı qasevetlendirmemeli.
Mart ayında Ukraina silâlı quvetleriniñ baş komandanı Ruslan Homçak bildirdi ki, Rusiye, «Zapad-2021» strategik talimlerine azırlıq manaçığınen Ukrainanıñ şarqiy sıñırlarına taktik gruppalarını çeke. Onıñ qayd etkenine köre, Novorossiysk ve Stavropolden işğal etilgen Qırımğa talimler içün avuştırılğan Rusiye ordusı yarımadada qalmağa devam ete.
Kreml, Rusiye ordusınıñ Rusiyede areket etmesi diger memleketlerni, hususan Ukrainanı qasevetlendirmemeli, dedi.
