Herson vilâyetiniñ işğal etilgen qısmında yerleşken "Askaniya-Nova" qoruğından Qırımğa üç zebranı çıqarmağa planlaştıralar, dep bildirdi "Skazka" ayvanat bağçasınıñ müdiri Oleg Zubkov.
"Kelecek afta salı künü deñişim olacaq. Biz Askaniyağa ayvanlarımıznı ve quşlarımıznı alıp ketecekmiz, andan ise üç zebranı ketirecekmiz", - dep bildirdi Zubkov TASS Rusiye devlet agentligine.
Bildirilgenine köre, Herson vilâyetine alpaka erkekleri, jak ve kamori eçkileri, vyetnam domuzları, cüce qoçqarlar, pelikanlar ve qarğalar ketirilecek.
Rusiye Federatsiyasınıñ nezaretindeki Askaniya-Nova qoruğınıñ memuriyeti Rusiye qoruğına ayvanlarnı almaşuv adı altında bir qaç adet qırmızı kitaptan alınğan Çapman zebrasını, amerikalı bizonnı, Prjevalskiy atını ve David ayvanını ketirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
