Link açıqlığı

Rusiye Ukrainanıñ bütünligini bozdı, bu iç te mümkün olmağan şey. Bunı Brüsselde Avropa parlamentiniñ sessiyasında Catherine Ashton bildirdi. Bu onıñ Avropa Şurasınıñ havfsızlıq ve mudaafa siyaseti ve çetel işler boyunca baş temsilcisi sıfatında yapılğan soñ çıqışı edi.

Bunı «İnterfaks Ukrainа» bildire.

«Biz Qırımnıñ zapt etüvini tanımaymız. Ve anda ötkerilgen referendum qanunsızdır. Bu referendumnıñ neticesinde qanunsız, bizimce, işğal peyda oldı», – dedi Ashton.

Onıñ aytqanı kibi, vaziyetiniñ tüzleştirilüvi içün bütün diplomatik vastalarını qullanmaq ve muzakerelerni keçirmege devam etmelimiz. Ukrainağa iqtisadiy yardımını köstermek içün de qararlar alınmaq kerek. Onıñ meselelerini çezmek içün qısqa ve uzun müddetke siyasiy ve iqtisadiy qararlar alınmalıdır.
XS
SM
MD
LG