Qırımnıñ cenübiy-şarqiy yalısında, Qara Dağnıñ eteginde Aşağı Otuz (Kurortnoye) qasabası yerleşe. O, Rusiye alimi Terentiy Vâzemskiy şifahane qurmaq içün Qırım yalısında topraq alğan soñ XX asırda peyda olıp başladı. Aşağı Otuznıñ adı Otuz özeniniñ başında, Otuz qasabasından üç kilometr mesafede yerleşkeninen bağlı. Ekinci Cian cenkinden soñ qasabada alâ daa çalışqan «Krımskoye Primorye» şifahanesi açıldı.
Şimdi Aşağı Otuzda 300-den çoq kişi yaşay. Er saat qatnağan avtobusnen Otuz, Koktebel ve Kefege barmaq mümkün.
Vâzemskiy qurğan meşur Qaradağ biostantsiyası Aşağı Otuzğa ait. Anda sovetler vaqtında ilmiy maqsadlarnen qurulğan delfinariy yerleşe.
Aşağı Otuz qasabasınıñ ayatını Qırım.Aqiqat fotoresimlerinde baqıñız.
Facebook Forum