Rostov-na-Donuda Noman Çelebicihan 48-inci ayrı ücüm batalyonında hızmet etken qırımtatarı Asanov Seyran Arkadyeviçniñ cinaiy davasında üküm çıqarıldı. Bu aqta Rusiyeniñ Cenübiy okrugı arbiy mahkemesiniñ matbuat hızmeti haber ete.
Asanov 2024 senesi oktâbrniñ 18-nden berli esirlikte buluna. Rusiye akimiyeti onı Rusiye Federatsiyası Ceza kodeksiniñ 275, 205.5 maddesiniñ maddesiniñ 2-nci qısmı ve 205.3 maddesine istinaden cinayetler yapqanında qabaatlay,
Rusiye akimiyet er adam "duşman tarafına keçip, Noman Çelebicihan qırımtatar göñülli terror batalyonında iştirak etmek maqsadınen Ukrayina Silâlı quvetlerine göñülli olaraq qoşulmağa qarar berdi", dep bildire.
Mahkemeniñ matbuat hızmeti Asanov 2024 senesi iyulniñ 15-nden berli taktik-mahsus, atış, uruş, tibbiy ve beden azırlıq tasilini aldı, 2024 senesi avgustnıñ 20-nde ise anda göñülli olaraq ant etti.
Rusiye Federatsiyası Cenübiy okrugınıñ arbiy mahkemesi Asanovnı qabaatlı tanıp, ilk 5 yılını apishanede keçirecek 20 yıl sert rejimli koloniyasında qalmasına üküm etti. Üküm işke tüşürilmedi ve taraflar tarafından itiraz etile bile.
Qırımtatar resurs merkeziniñ malümatına köre, Rusiye akimiyeti Noman Çelebicihan batalyonında iştirak etüv manaçığınen eñ az 66 insannı tuttı: 19-ı Qırımda ve 47-si Herson vilâyetinde.
Rusiye FSBsi "Noman Çelebicihan qırımtatar göñülli batalyonını" 2022 senesi "terror teşkilâtları" cedveline kirsetti.