Ukrayina telükesizlik hızmetiniñ Qırım Muhtar Cumhuriyetindeki baş idaresi bildirgenine köre, işğal etilgen Qırımda çalışqan "Millet" Rusiye telekanalınıñ hadimine qarşı qabaatlav davası mahkemege berildi.
Adı ve soyadı aydınlatılmay, amma bunı izaatlamaq vekâleti olmağan Ukrayina telükesizlik hızmetindeki menbalar Qırım.Aqiqatqa laf Asan Abibullayev aqqında kete, dep bildirdi. O, Ukrayina Ceza kodeksiniñ 110-uncı maddesiniñ 1-inci qısmına istinaden qabaatlana – Ukrayina topraq bütünligi ve toqunılmazlığına qast etüv. O, qanunsız ilhaq etilgen topraqta bulunğanı içün esnas ğıyabiy şekilde kete.
Tahqiqat versiyasına köre, Qırım işğalinden soñ o, Rusiyege qoltuttı ve Ukrayina akimiyetini zapt etmege ve sıñırlarını deñiştirmege çağırdı. 2016 senesi "Haberber" alıp barıcısı oldı, yayında, Ukrayina telükesizlik hızmetiniñ malümatına köre, Putinni maqtadı ve Ukrayinağa qarşı istilânı aqladı.
Ukrayina telükesizlik hızmeti bu davanen bağlı şübhelerini 2024 senesi sentâbrniñ 17-nde bildirdi – o vaqıt kanalnıñ daa bir alıp barıcısı Elvina Seitova da dava iştirakçisi edi. Eki yıldan soñ tek Abibullayevge qarşı dava mahkemege berildi.
Tahqiqatnı Ukrayina telükesizlik hızmetiniñ Qırım Muhtar Cumhuriyetindeki hadimleri muhtariyet ve Aqyar prokuraturasınıñ protsessual reberliginde alıp bardı. Abibullayevniñ izaatları yoq.