İlhaq etilgen Qırımda "Artek" bala lagerinde raatlanğan 15 yaşındaki Mahaçkaladan kelgen qızçıqnı yuqudan soñ ölü taptılar.
Bunı noyabr 13-ünde Qırım ve Aqyar boyunca Rusiye Tahqiqat Komitetiniñ matbuat hızmeti bildirdi.
"Artek" lagerinde 15 yaşındaki qızçıqnıñ ölümi sebebinden cinaiy dava açıldı. Vaqia yerinde Baş tahqiqat idaresiniñ reberleri ve tahqiqatçıları çalışa", - denile beyanatta.
Müessisege köre, bala ölüminiñ sebeplerini bilmek içün ekspertiza keçirilmesi tayinlendi.
Tahqiqatçılar, ölümden evel künlerniñ ketişatını bilmek içün lager hadimleri ve raatlanıcılarnı sorğuğa çekecekleri, bildirile.
Rusiye Maarif nazirligi, bala ölüminiñ sebeplerini tahqiq etmek içün mahsus komissiyanı yarattı.
