Rusiye işğal etken Qırımnıñ sakinleri artıq ukrayin vesiqalarını, şu cümleden doğum şeadetnamesi de, onlayn almaq imkânı peyda oldı. Bunı "QırımSOS" aq-uquq qoruyıcı teşkilâtı haber etti.
Haber etilgeni kibi, evel "QırımSOS" adliyecileri Qırımdan olğan bir qaç aile ile olarnıñ adından mahkemege ariza bermek içün uzaqtan elektron añlaşma imzaladılar. Bugünde-bugün adliyeciler eki mahkeme qararını aldılar, qırımlılar ise doğum şeadetnamelerini resmiyleştirip oldılar.
"QırımSOS" adliyecileri qırımlılar içün uzaqtan vesiqalaştırma işiniñ çezilüvini taptılar. Bu mehanizm sayesinde işğal etilgen topraqlardan adamlar ukrayin vesiqalarını alıp olacaqlar ve muvaqqat işğal etilgen Qırımdan çıqıp olacaqlar", - dep aytıp berdi "QırımSOS" adliyecisi Anastasiya Kalinina.
Onıñ sözlerine köre, al-azırda "QırımSOS" adliyecileri mahkeme qararı beklenilgen ilk beş añlaşma üzerinde çalışalar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
