Arnavutlıqta zelzelede elâk olğanlarnıñ sayısı 25 adamğace arttı. Daa 600 adamdan ziyade yaralandı, dep haber ete Azatlıq Radiosı.
Noyabr 27-sinde matem kününde ülkede bayraqlar endirildi.
Tünevin Arnavutlıqta 6,4 ball küçünde zelzele oldı, merkezi - memleket paytahtı Tiranadan 30 kilometr uzaqlıqta oldı. Binalar yıqıldı, Tiran ve memleketniñ büyükliginden ekinci Durres şeeri çoq zarar kördi. Qurtarıcı operatsiyalar devam ete.
